Web Joernaal


Sondag 30 November 2014

JSE mark oorsig

Die JSE top 40 (Satrix 40) is net 5.5% laer as die hoogste piek ooit in Julie. Dit is verbasend gegewe die swak ekonomie, en val in mineraal pryse. Baie myn aandele het meestal sywaarts verhandel in November, na maande van groot valle. BHP Billiton (BIL), Bidvest (BVT), en Sasol (SOL) is van die min aandele wat geval het. Banke, kleinhandelaars, en versekerings aandele het opgeskiet van Oktober na November. Discovery (DSY) klim. MTN (MTN) kom af van hoë vlakke af. Richemont (CFR) herstel. Tigerbrands is op met 25% sedert Oktober. Baie van die aandele lyk nou oorprys, ook aandele soos SAB Miller (SAB).

Oorsese beleggings

Magnus Heystek se aanbeveling op Moneyweb dat beleggers meer geld oorsee belê klink goed in beginsel. Die probleem kom altyd met die praktiese uitvoering van idees. Die aantal aandele wat oorsee beskikbaar is geweldig groot vergeleke met SA se klein keuse. Die toekoms vir SA aandele mark lyk sleg weens die ANC se transformasie van 'n westerse ekonomie na 'n primitiewe Afrika weergawe. Die rand sou geval het weens die val in mineraal pryse, maar word uitgebalanseer deur die val in die olie prys omdat dit 'n groot invoer is. 'n Mens wonder wat van die rand gaan word onder die ANC, want hulle beleid gaan al meer uitvoere benadeel.

Oorsese bate klasse het oorprys geraak weens baie lae rentekoerse. Oorsese eiendoms pryse is op borrel vlakke. Aandele het baie herstel na die 2009 ineenstorting. Die terugkoop van aandele in die VSA het gehelp om die verdienste per aandeel op te jaag. Die meeste groot maatskappye in die VSA en Europa se groei word beperk deur die tipiese lae ekonomiese groei in ontwikkelende lande. Wat wel aantreklik kan wees, is die oorsese maatskappye wat nog hoë groei het, en nie hulle mark versadig het nie. Ongelukkig is daar baie geld oorsee op soek na beleggings geleenthede, wat die aandele na hoë vlakke opjaag.

Na jare van goeie groei met aandele, kan dit in die toekoms moeiliker word om aantreklike bate klasse te vind, enige plek in die wêreld. Mense sal hulle beleggings groei verwagtings moet verlaag.

Woensdag 26 November 2014

Vukile (VKE) resultate

Dinsdag 25 November 2014

Omnia (OMN) resultate

Naspers (NPN) resultate

Maandag 24 November 2014

Netcare (NTC) resultate

Pioneer Foods (PFG) resultate

Sondag 23 November 2014

Sport

05:20 Krieket vyfde eendag wedstryd: Australië - Suid Afrika
15:00 Rugby Aviva Premiership: Saracens - Northampton Saints
17:15 Rugby Aviva Premiership: London Welsh - Leicester Tigers

Saterdag 22 November 2014

Sport

16:00 Rugby: Italië - Suid Afrika
16:30 Rugby: Skotland - Tonga
18:30 Rugby: Ierland - Australië
19:30 Rugby: Wallis - Nieu Seeland
21:00 Rugby: Engeland - Samoa
22:00 Rugby: Frankryk - Argentinë

Vrydag 21 November 2014

Aandeel mark oorsig

Na Donderdag se val, het die mark Vrydag opgeskiet. Die rede is onduidelik. Miskien is dit spekulante wat kort was die week, en hulle posisies gesluit het voor die naweek. Anglo is op 6.6%. BHP Billiton is op 6.2%. Sasol is op 5.8%. Die ystererts prys is steeds laer die week - Iron Ore Completes Fifth Weekly Loss as ‘Worst Is Yet to Come’ - Bloomberg. In die aanloop tot die OPEC vergadering op 27 November kan die olie prys opgaan in afwagting op 'n produksie vermindering. Dit lyk onwaarskynlik. OPEC se deel van wêreld produksie word al kleiner. Om hulle mark aandeel te beskerm, moet die olie prys val totdat party van die produsente met hoër kostes uit die mark gedruk word. Soos wat ons sien met platinum en goudmyne, myne hou vir 'n lang tyd aan met produseer teen 'n verlies. Dit sal 'n baie lae olie prys vir 'n lang tyd neem om party produsente uit te forseer.

Implats het 8.8% opgeskiet. Die platinum prys is op met 4% die afgelope paar dae. Die platinum prys moet nog 15% opgaan vir Implats net om gelyk te breek. Dit verhandel nou op 1.8x verkope per aandeel. Dit platinum prys wat nodig is om die wins wat ingeprys is te voorsien lyk baie onwaarskynlik in die stadium.

Sport

05:20 Krieket vierde eendag wedstryd: Australië - Suid Afrika
21:45 Rugby Aviva Premiership: Harlequins - Sale Sharks

Donderdag 20 November 2014

Nampak (NPK)

Vir die jaar tot September 2014 is inkomste op met 10.4%, en vwVPA op met 15%, of 17% op herverklaarde verdienste vir die vorige jaar. Die prys/verdienste is R41.30/R2.27 =18.2. Dividend opbrengs is 3.1% na belasting. Die langtermyn inkomste groei is laag, vanaf September 2007: +12% +8% +6% -5.3% +0.3% +11.5% +3.7% +10.4%. Die laaste ses maande se verdienste per aandeel is 152c, wat heelwat hoër is as die 114.3c van die eerste ses maande. Die netto wins marge vir die laaste ses maande is 9.7%, wat verdere verdienste groei grootliks afhanklik maak van inkomste groei.

Hosken Consolidated Investments (HCI)

Vir die ses maande tot September 2014 is inkomste op met 12%, of 23% op die herverklaarde inkomste vir die vorige jaar, en wVPA af met 20%. Die netto bate waarde is R144.00. Die prys/verdienste is R158.83/R8.38 = 19.0. Dividend opbrengs is 0.8% na belasting.

Investec (INL)

Vir die ses maande tot September 2014 is totale bedryfs inkomste voor lenings afskrywings op met 1.2%, en vwVPA op met 13%, beide in pond. Die prys/verdienste is R106/~R5.86 ~ 18. Dividend opbrengs is 2.8% na belasting.

Tsogo Sun (TSH)

Vir die ses maande tot September 2014 is inkomste op met 4.2%, en aangepaste vwVPA af met 0.5%. Die prys/verdienste is R28.70/R1.76 = 16.3. Dividend opbrengs is 2.6% na belasting.

Woensdag 19 November 2014

SARS toustaan wagtyd

Op die SARS Kaapstad webblad sê hulle die tou is tipies 117 mense lank, en die wagtyd word geskat op 27 minute, in plaas daarvan dat hulle iets daaraan doen. Nêrens is daar eposte addresse nie. Dit is mense wat nie in diens belang stel nie.

Tiger Brands

Vir die jaar tot September 2014 is omset op met 11%, en vwVPA op met 12%. Die prys/verdienste is R376.30/R17.71 = 21.24. Dividend opbrengs is 2.1% na belasting.

Sport

05:20 Krieket derde eendag wedstryd: Australië - Suid Afrika

Dinsdag 18 November 2014

Reunert (PPC) resultate

Vir die jaar tot September 2014 is inkomste laer met 32%, weens die verkoop van 'n besigheid. Daarsonder is die inkomste 7% hoër. Die VPA is 3% laer. Die prys/verdienste is R56.67/R5.45=10.4. Die dividend opbrengs is 5.5% na belasting.

London huispryse skiet op

London se huispryse is op met 18.8% - Office for National Statistics. Die reserwe bank, die Bank van England, se bankkoers is 0.5% sedert 2009 - Base rate. Dit was 'n goeie idee gewees om 'n buitelander aan te stel as Goewerneur van die Bank van England, want as die borrel bars, kan hulle die buitelander blameer.

Zimbabwe

Die artikels oor Zimbabwe gee 'n mens insigte in SA se toekoms - Moneyweb

PPC (PPC) resultate

Vir die jaar tot September 2014 is inkomste op met 9%, en VPA is dieselfde as verlede jaar. Die prys/verdienste is R25.26/R1.76 = 14.4. Die dividend opbrengs is 3.8% na belasting. Die aandeelprys het reeds in September begin val met die bedryfs-opdatering, en die bedanking van die hoof uitvoerende beampte. PPC wil 40% van hul inkomste uit die res van Afrika verwek teen 2017.

G20

G20 is nie 'n tipe motorolie nie, dit is die Groep van Twintig forum van regerings leiers en reserwe bank goewerneurs van die 20 grootste ekonomieë. Volgens hulle dokument: "The global economy is being held back by a shortfall in demand, while addressing supply constraints is key to lifting potential growth." Een van die hoofredes vir die swak ekonomiese groei is regerings se vermorsing van die publiek se geld. Belasting ontmoedig beide die belasting betalers, en die ontvangers van staats voordele, om te werk.

'n Mens wonder of die leiers van die meer agterlike lande die stelling verstaan: "We will continue to implement fiscal strategies flexibly, taking into account near-term economic conditions, while putting debt as a share of GDP on a sustainable path." Dit wil voorkom of die mandaat van reserwe banke verander het van inflasie beheer, na inflasie skep: "Our monetary authorities have committed to support the recovery and address deflationary pressures when needed, consistent with their mandates."

"Our growth strategies include reforms to facilitate trade by lowering costs, streamlining customs procedures, reducing regulatory burdens and strengthening trade-enabling services." Die SA regering doen die teenoorgestelde. Pos pakkette van oorsee neem meer as 'n maand weens doeane vertragings, en deesdae daag dit glad nie op nie. "We reaffirm our longstanding standstill and rollback commitments to resist protectionism." Lande ignoreer dit met allerhande invoer beperkings, subsidies en staatshulp aan besighede wat finansieële probleme ondervind.

"We are strongly committed to reducing youth unemployment, which is unacceptably high, by acting to ensure young people are in education, training or employment". Die opvoedkundige stelsel berei mense nie voor vir ekonomiese deelname nie, omdat dit in regerings se hande is.

"Profits should be taxed where economic activities deriving the profits are performed and where value is created." Met "where" bedoel hulle die land waar die besigheid bedryf word. Klaarblylik geld dit nie vir VSA maatskappye wat belas word op die geld wat hulle van die buiteland terugbring nie.

Maandag 17 November 2014

JSE 40 mark oorsig

Die JSE top 40 is op met 8.4% sedert die dip in Oktober, wat 'n 11% val was vanaf die hoogste vlak ooit. Vir party aandele was die herstel in die aandeelprys in 30 dae net soveel as die groei wat in een jaar verwag kan word op rond van die VPA groei, byvoorbeeld banke. Maklike verhandeling deur internet makelaars, en kontrak-vir-verskil waarmee tien keer meer aandele verhandel kan word as die kontant gebruik, dra by tot baie wisselvalligheid. 'n Mens moet 'n posisie lank hou vir 'n aandeelprys om teen die verwagte tempo te verander. Verder word duur aandele opgehou deur groot geld wat 'n plek soek om belê te word.

Party aandele het opgeskiet (onredelike uitbundigheid), byvoorbeeld Aspen (APN), Bidvest (BVT), Brait (BAT), Naspers (NPN), Rand Merchant Insurance (RMI), en Tiger Brands (TBS). Aspen (APN) se prys/verdienste is 40, vergeleke met VPA groei van 42% vir die ses maande tot Junie 2014, op inkomste groei van 70%. Die VPA groei tempo is gewoonlik 15% tot 25%. Brait verhandel teen R86 teenoor die netto bate waarde van R34.75 in September. RMI verhandel teen 'n 28% premium tot die Junie markwaarde per aandeel.

Naspers se aandeelprys het opgegaan voor die Tencent resultate, en toe Vrydag opgeskiet na R1555. Daar was 'n media nuusberig (geen Sens) oor die uitbreiding van e-handel deur 'n gesamentlike onderneming met Singapore Press Holdings, en twee Noorweegse maatskappye. Die ehandel het 'n verlies getoon vir die jaar tot Maart 2014. Vrydag (3.45nm) was daar ook 'n Naspers handels verklaring oor basiese VPA wat 180% tot 190% hoër sal wees omdat 'n geassosieerde maatskappy 'n belegging verkoop het, en kern wesensverdienste per aandeel 18% tot 24% hoër sal wees. Tencent se VPA was 52% hoër oor die dieselfde periode, dus lyk dit of die ander besighede nie so goed gevaar het nie. Tencent se inkomste groei begin afplat, wat die grootste bydrae maak tot Naspers se aandeel prys. Dubbel die verwagte 6 maande kern-wesens-verdienste-per-aandeel gee 'n prys/verdienste vir Naspers romdom 51. As die mark bloot daarna kyk, is dit positief vir die aandeelprys, tot die moontlike laer groei in die toekoms deurkom.

Myne wat van yster erts afhanklik is, se prys het vir 'n maand getalm, maar party lyk of hulle nog laer wil gaan. Myne wat by ystererts betrokke is, is African Rainbow Minerals (ARI, PV~8.4), Anglo American (AGL, PV~11), Assore (ASR, PV~5.7), BHP Billiton (BIL, PV~11), en Kumba (KIO, PV~6.4). Die maatskappye wat slegs ystererts myn se aandeelprys het baie meer geval.

Die ooglopende vraag op die oomblik is hoe die laer olie prys Sasol (SOL) gaan tref. Die rand olie prys is nou omtrent $80 x R11/$ ~ R880. Dit was naastenby die prys wat Sasol gehad het vir jaar tot Junie 2012, toe dit R874 was. Die SA regering het nog nie petrolprys afgebring in verhouding tot die val in die olie prys nie. Die petrol prys is nou R12.98/liter (binnelands) vergeleke met 'n prys rondom R11.20 in 2012. In ag geneem moontlik koste inflasie, is Sasol se winsgewend teen die huidige petrol prys dalk dieselfde as vir 2012, toe die VPA R42.10 was. Wat vorentoe van die olie gaan word, moet 'n mens nog sien.

Die publiek moet kruideniersware koop, wat supermarkte beskerm teen die swak ekonomie. Shoprite het 6% meer winkels oopgemaak vir jaar tot Junie. Spar ondervind 'n eenmalige trap in hulle inkomste en wins weens die oorname van Spar in Ierland. Woolworths wil meer wins uit David Jones maak.

Domino's Pizza winkels oopgemaak

Taste Holdings (TAS) het 30 Oktober die eerste 4 Domino's Pizza winkels oopgemaak in Johannesburg, Durban en Kaapstad. Die bestaande Scooters Pizza en St. Elmo's winkels word omskep, dus nie heeltemal nuwe besigheid nie. Verskeie nuwe winkels word ook beplan. Baie mense wil nuwe kos probeer, daarom is daar aanvanklik 'n stormloop, wat 'n verskil kan maak aan Taste se toekomstige resultate. Die prys/verdienste is nou 319c/13.4c = 23.8. Die verkope per aandeel is 300c, vergelyk met die aandeelprys van 319c. Die langtermyn VPA rekord van Taste is nie goed nie.

As 'n mens die prys van enige pizza vergelyk met koste van die bestandele, lyk dit baie duur. Daar is van die bevrore pizzas wat vir R34 verkoop word onder die Dr Oetker Ital Pizza handelsmerk, wat lyk of net een sampioen gebruik was, en die gewone salami/pepperoni is vervang deur stukkies ham. Die karton waarin dit verpak word kos dalk meer as die bolaag.

Mr Price (MPC) resultate

Vir die ses maande tot September is inkomste op met 15%, en die VPA is op met 23%. Handels ruimte het toegeneem met 5.3% weens winkels oopgemaak. Aanlyn SA verkope het met 195% toegeneem na R44.7M, wat 0.57% van kleinhandel verkope was. Die prys/verdienste is R245.54/780c = 31.5. Die dividend opbrengs is 1.8% na belasting.

Barloworld (BAW) resultate

Vir die jaar tot September is inkomste af met 4.6%, en VPA is op met 2.5% (voor herverklaring). Die dividend opbrengs is 2.8% na belasting. Die prys/verdienste is R98.69/R8.78 = 11.2.

Astral Foods (ARL) resultate

Vir die jaar tot September is inkomste op met 13%, en VPA is op met 95%. Die tweede 6 maande se VPA is 478c, teenoor 386c vir die eerste 6 maande. Die netto wins marge is 3.4%. Die dividend opbrengs is 2.4% na belasting. Die prys/verdienste is R158/R8.64 = 18.3. Die aandeelprys het opgegaan van R145 sedert die handels opdatering. Die Administration Commission of South Africa (ITAC) se voorlopige teen-stortings tariewe teen drie EU lid lande verval 2 Januarie 2015. Die maatskappy verwag koste voordele in die opkomende ses maande weens die rekord SA mielie oes, en goeie globale mielie en soja oeste wat graan pryse verlaag het.

Telkom (TKG) resultate

Vir die ses maande tot September is inkomste af met 1.5% (voor herverklaring). Die VPA is 212c vergeleke met 207c vir die ses maande voor dit. Die prys/verdienste is R63.56/419c =15.2

Sondag 16 November 2014

Sport

05:20 Krieket tweede eendag wedstryd: Australië - Suid Afrika
15:00 Rugby Aviva Premiership: Leicester Tigers - Saracens (DSTV 206 15:00)
16:00 Rugby Internasionaal: Ierland - Georgië (DSTV 201 16:20)
17:15 Rugby Aviva Premiership: London Wasps - London Welsh (DSTV 206 17:10)

Saterdag 15 November 2014

Sport

16:00 Rugby Internasionaal: Italië - Argentinië (DSTV 205 18:30)
16:30 Rugby Internasionaal: Engeland - Suid Afrika (DSTV 201 15:30)
16:30 Rugby Internasionaal: Wallis - Fiji (DSTV 205 16:20)
19:30 Rugby Internasionaal: Skotland - Nieu Seeland (DSTV 201 19:00)
22:00 Rugby Internasionaal: Frankryk - Australië (DSTV 201 21:45)

Vrydag 14 November 2014

Acucap Properties (ACP) resultaat

Die huur opbrengs vir die 12 maande tot September is 332c/R51.00 = 6.5%, en die maatskappy verwag 5 to 6% groei vir die volle jaar tot Maart 2015.

Life Healthcare (LHC) resultaat

Vir die jaar tot September is inkomste 10.2% hoër, en VPA 4.6% hoër, of 7.7% hoër as die herverklaarde waarde vir die jaar tevore. Die prys verdienste is R41.36/R1.773 = 23.3. Die dividend opbrengs is 2.9% na belasting.

Sport

05:20 Krieket eerste eendag wedstryd: Australië - Suid Afrika (DSTV 202 4:45)
21:45 Rugby Aviva Premiership: Gloucester Rugby - Harlequins (DSTV 201 21:40)

Donderdag 13 November 2014

Polisie val parlement in

Onluste polisie het parlement ingevaar omdat die EFF (Economic Freedom Front) Zuma as 'n dief beskryf het, en parlementslede is aangerand na die DA (Democratic Alliance) die polisie probeer stop het - eNCA. Wat verwag mense van 'n president met geen formele skool opvoeding nie. Voorheen was dit berig dat hy net standard 3 (graad 5) in skool geslaag het. Die inligting het verdwyn van Wikipedia. Nou is dit nie duidelik of hy hoegenaamd skool toe gegaan het nie - News24.

Die huidige politieke en ekonomiese situasie het oor meer as 'n eeu ontwikkel, omdat die publiek aanhou om vir politieke partye te stem wat hulle ken, ten spyte daarvan dat probleme nie opgelos word, eerder as om vir ander partye te stem. In die laaste verkiesing het net 45% van die geregistreerde kiesers vir die ANC gestem - News24. Die amptelike verkiesings webwerf (Electoral Commission of South Africa) werk nie op hierdie oomblik nie, net soos die res van die staatsinstellings. Die opposisie partye verskaf nie oortuigende redes vir die publiek om vir hulle te stem nie. Hulle beleid is vaag. Die meeste ondersteun ook die transformasie na 'n tipiese Afrika land, wat nie 'n oplossing is nie.

Die basiese probleme word geïgnoreer, naamlik dat die westerse politieke en ekonomiese stelsels te ingewikkeld is vir die inboorling bevolking. Die ekonomie is ontoeganklik vir die meeste mense. Hulle sukkel om 'n bestaan te maak. Die ANC se pogings om die probleem op te los met regstellende aksie en swart ekonomiese bemagtiging kan net 'n klein minderheid bevoordeel omdat dit poog om 90% van die bevolking poste te gee wat die 10% blankes vir hulself geskep het. Op die langtermyn doen dit enorme skade aan die ekonomie.

Die publiek stem vir politieke kandidate sonder om hulle opvoeding of ondervinding te oorweeg. Dit is soos skool leerlinge wat van hulle mede-leerlinge kies om die land te regeer - mense met geen toepaslike kwalifikasies of ondervinding nie. Dit gaan noodwendig katastrofies wees.

SABMiller (SAB) resultaat

Vir die ses maande tot September is inkomste 2% hoër, en VPA 3% hoër, beide in dollars. Die prys verdienste is R609.48/$2.43 ~22. Die dividend opbrengs is omtrent 1.6%.

Reinet (REI) resultaat

Die netto bate waarde per is R33.04 per SA deposito bewys, vergeleke met die aandeel prys van R26.64.

Stefanutti Stocks (SSK) resultaat

Vir die ses maande tot Ausgustus is inkomste 10% hoër, en VPA 29% hoër (genormaliseerde verdunde wesens verdienste). Die prys verdienste is 750c/72.7c = 10.3. Die wisselvallige wins maak toekomstige skattings moeilik. As die eerste helfte VPA herhaal, kan die aandeel prys herstel na omtrent R9. Die prys grafiek toon tekens van 'n herstel, maar die aanvraag-aanbod gaping is te wyd en volume te klein.

Woensdag 12 November 2014

Tencent resultaat

Vir die derde kwartaal is inkomste op met 28%, en VPA op met 47%, vergeleke met 'n jaar gelede. Die inkomste groei tempo neem elke jaar af. Die derde kwartaal se inkomste is net 0.3% hoër as die tweede kwartaal s'n. Die kwartaalikse VPA dryf laer sedert die begin van die jaar, wat nie ongewoon is nie. Die VPA spring gewoonlik die eerste kwartaal, en bly dan naastenby dieselfde die res van die jaar. Die prys/verdienste mik na omtrent 40 vir 2014. Die waarde van Naspers se Tencent aandeelhouding is omtrent R1510 per aandeel werd, vergeleke met Naspers se aandeel prys van R1378.48. Naspers het 1.6% geval na die Tencent resultate. Tencent se aandeelprys (HK$129.20) sal eers môre reageer op die resultate.

Die mees nuttelose diensverskaffer in SA

Daar is soveel diensverskaffers wat swak is, dit is moeilik om te sê wie die swakste is. Dit lyk of Cell C se radio netwerk nie genoeg kanale het in party streke nie, want internet toegang word gesluit as 'n mens die internet vir 'n oomblik nie gebruik nie. As 'n mens die internet deurlopend gebruik, werk die toegang, en teen hoë spoed. Party van die huidige internet data tariewe word op 'n ander bladsy vergelyk - sien Internet data dienste. Cell C se 100GB pakket vir een jaar is veel goedkoper as die ander selfoon netwerke. As 'n mens betroubare internet toegang soek, moet 'n mens eerder meer betaal.

Ek moes Telkom eenkeer 'n ekstra maand se huur betaal omdat hulle my eerste kansellasie poging geïgnoreer het. 'n MTN winkel het eenkeer nie na my teruggekom nie nadat ek 'n kontrak aansoek voltooi het. Ek kon MTN se data tariewe vir mense wat reeds 'n modem het nie op hulle webwerf vind nie. Diens navrae by MTN en Vodacom werk nie - Internet data dienste.

Is koop-om-te-verhuur nog die moeite werd?

Jare gelede was dit aantreklik gewees om huise te koop vir verhuring. 'n Mens kon 'n 90% of 100% lening kry net op grond van die huur inkomste. Vandag vereis banke 'n salaris vir 'n huis lening. Huur inkomste het destyds al die uitgawes gedek. Huur was in 'n stadium te laag, maar is besig om te herstel na normale vlakke. Met die nuwe politieke stelsel is die toekoms van woonbuurtes minder seker, en is eiendom meer van 'n risiko. Die wanbestuur van party munisipaliteite maak dit moeilik om die rekening oor te dra. Die onderstaande tabel lys ander faktore wat eiendom minder aantreklik maak.

Dit kan steeds aantreklik wees om eiendom te koop, solank dit in die toekoms vir 'n hoër prys verkoop kan word. 'n Groot lening is nodig om goeie groei op die deposito te kry. Op die kort termyn is 'n 50% lening genoeg om dubbel die inflasie koers op die deposito te kry, uitgesluit oordrag kostes. As 'n huis 20 jaar gehou word, moet die aanvanklike lening 70% wees om dubbel die inflasie koers te kry. As huis prys inflasie 6% is, is die groei dan 12% per jaar. Vir al die probleme met verhurings, is 12% nog relatief laag. 'n Lening van 90% is meer aantreklik, maar die geld wat verloor kan word as huispryse val, maak dit 'n groot risiko. Een voordeel van self eiendom verhuur, is dat 'n mens nie onderwerp word aan die prys skommelings van eiendomstrusts op die aandeelmark nie.

Nuwe nadele van eiendom besit
Datum Nadeel Kommentaar
1992 Elektrisiteits sertifikaat Die koste van die derduisende sertifikate is baie hoër as die rare voorvalle van skade weens elektriese bedradings foute. Sedert 2009 is die sertifikaat net vir 2 jaar geldig.
1998 Huurder kan nie sommer ontset word nie 'n Wet wat plakkers toelaat om op iemand anders se grond aan te bly, is van toepassing gemaak op huurders.
1999 Alle huis bouers moet by die NHBRC registreer As die eienaar self wil bou, moet hulle die NHBRC vir vrystelling vra, met motivering, en 'n beskrywing van die werkers. Al die dokumente moet deur 'n kommissaris van ede gestempel word.
2000 Net planne deur argitekte word aanvaar Jy kan nie meer jou eie huisplanne teken nie. Jy kan nie eers 'n muur om 'n erf bou sonder planne, en goedkeuring deur 'n bou inspekteur nie.
1 Oktober 2001 Kapitaal wins belasting Dit is 'n navolging van KWB in eerste wêreld lande wat baie lae inflasie koerse het. Hoë inflasie in SA beteken die koop prys word onbenullig na baie jare, en die huis eienaar verloor tot 13.3% van die huis se prys, teen die maksimum inkomste belasting koers van 40%.
2011 Ander sertifikate Party munisipaliteite vereis 'n gas en loodgieter sertifikaat. Party munisipaliteite langs die kus (Kaapstad) vereis 'n kewer sertifikaat.
- Hereregte Dit is 3% van R600 000 tot R1m, 5% van R1m tot R1.5m, en 8% bo R1.5m. SARS kan nou besluit wat die mark waarde van die huis is, ongeag die koop prys.
27 Augustus 2012 Bewys van huis waarde SARS kan nou vra vir: (1) die koopkontrak, (2) twee onafhanklike eiendomsagent waardasies, teen omtrent R300 elk, en (3) bewys van munisipale waardasie.


Peregrine (PGR) resultate

Vir die ses maande tot September 2014 is die inkomste op met 20%, en VPA op met 43%. Die prys/verdienste is R23.34/236c = 9.9.

Spar (SPP) resultate

Vir die jaar tot September 2015 is inkomste op met 15.1%, en VPA op met 12.6%. Die prys/verdienste is nou R145/R7.30 = 20, en die dividend opbrengs 3.2% na belasting. Met die tussentydse resultate het die maatskappy verwag dat die verkope vir die tweede helfte in die algemeen in ooreenstemming met die eerste helfte sou wees, wat 7.7% was. Die Suidelike Afrika SPAR winkels se omset is op met 7.8%, maar groothandel omset is op met 8.9%. Kleinhandel ruimte is op met 1.7% weens 19 nuwe winkels. Spar Ireland se syfers is vir twee maande ingesluit. Volgens die aankondiging van die BWG transaksie op 11 Augustus sou dit vir die ses maande tot Maart 2014 30.2% bygedrae het tot inkomste, en 6.8% tot genormaliseerde wesensverdienste per aandeel. Die wins marge op die Ierse besigheid is laer. Die inkomste vir ses maande tot Maart 2015 kan omtrent 40% hoër wees, en die VPA omtrent 17% hoër as 'n jaar tevore, voor die BWG oorname.

Dinsdag 11 November 2014

Motorhuise

In Amerikaanse televisie programme oor motorhuise (RVs) word die petrol verbruik nooit genoem nie. Die kopers wil net weet wat dit kos, en hoe sterk die enjin is. Die grootste modelle is baie groot, met lengtes tot 13m. Vergelyk dit met passasiers busse wat tipies 12m lank is. Dit lyk of die petrol verbruik van die lang motorhuise tussen 27 en 36L/100km is. Teen R13 per liter, kos dit omtrent R4/km, teenoor R1/km vir 'n motor wat 8L/100km gebruik. 'n Retoer rit van Johannesburg na Kaapstad sal omtrent R12,000 kos in een van die motorhuise. Aangesien 'n familie luukse verblyf saamneem, maak die petrol verbruik nie eintlik saak nie. Die modelle wat in Suid Afrika vervaardig word is 6 tot 7.5m lank, en die sye skuif nie uit nie. In Amerika kan die riool pyp op die kampeerplek verbind word. In SA is dit minder gerieflik om die toilet in die motorhuis te gebruik, want die tenk word per hand uitgegooi.

Coronation (CML) resultate

Vir die jaar tot September 2014 is die bates onder bestuur op met 20%, inkomste is op met 31%, en VPA op met 37%. Teen die huidige aandeelprys van R97.00 is die prys/verdienste 17, en die dividend opbrengs 5.0% na belasting. Vergeleke met die eerste ses maande, is die tweede ses maande se inkomste op met 6.8%, en die VPA op met 8.0%.

Maandag 10 November 2014

Kanada huis pryse

Die gemiddelde huisprys in Kanada is R4m (C$400,000). Die maatstaf prys vir alle huise in Vancouver is R6.4m (C$637,000). Die prys vir 'n enkel-familie, losstaande huis in Vancouver is R10m (C$995,100). Bron: CBC News. Die lewenskoste in Vancouver word by die webwerf Numbeo gegee. Die verband koers is net 3.35%. Die gemiddelde besteebare salaris na belasting is R33,000 per maand. As die inligting korrek is, kos slegs die rente op 'n 100% lening op 'n gewone Vancouver huis die gemiddelde persoon 85% van hulle besteebare inkomste.

Arrowhead Properties (AWA, AWB) resultate

Die huur uitkering vir die laaste kwartaal is 18.215c vir die A en B eenhede (cum 28 November), wat 'n opbrengs van omtrent 9% is op 'n jaar grondslag. Die maatskappy verwag groei van 11% tot September 2015.

Sappi (SAP) resultate

Vir die jaar tot Sep. 2014 was inkomste op met 2.3%. Hulle het 'n verlies gemaak die jaar tevore. Op 'n aandeel prys van R45.43, is die prys/verdienste 16.6. Die VPA het elke kwartaal van die afgelope jaar verbeter. As die laaste kwartaal se VPA die volgende jaar voortduur is die prys/verdienste 8.1. Die maatskappy verwag 'n soortgelyke wins ("EBITDA" - verdienste voor rente, belasting, waarde vermindering en skuld delging) vir 2015 as 2014, wat sou beteken dat die laaste kwartaal se VPA nie volhoubaar is nie.

Raubex (RBX) resultate

Vir die ses maande tot Aug. 2014 was inkomste op met 16%, en VPA op met 5.6%. Op 'n aandeel prys van R21.27, is die prys/verdienste 11.2, en die dividend opbrengs 2.8% na belasting.

Invicta (IVT) resultate

Vir die ses maande tot Sep. 2014 was inkomste op met 3%, en VPA af met 17%. Op 'n aandeel prys van R104.00, is die prys/verdienste 14.9, en die dividend opbrengs 2.2% na belasting.

Tongaat Hulett (TON) resultate

Vir die ses maande tot Sep. 2014 was inkomste op met 2.8%, en VPA op met 16%. Op 'n aandeel prys van R149.07, is die prys/verdienste 13.9, en die dividend opbrengs 2.2% na belasting.

Lewis (LEW) resultate

Vir die ses maande tot Sep. 2014 was inkomste op met 1.6%, en VPA af met 12%. Op 'n aandeel prys van R64.50, is die prys/verdienste 7.5, en die dividend opbrengs 6.8% na belasting.

Vodacom (VOD) resultate

Vir die ses maande tot Sep. 2014 was inkomste op met 2.3%, en VPA af met 5.3%. Op 'n aandeel prys van R126.50, is die prys/verdienste 14.5, en die dividend opbrengs 5.4% na belasting.

Sondag 9 November 2014

Sport

10:35 Krieket derde T20: Australië - Suid Afrika
14:45 Rugby: Saraces - Westelike Provinsie

Saterdag 8 November 2014

Mening van die rugby wedstryd tussen Ierland en Suid Afrika

Daar is 'n Facebook webblad genaamd Petition To Stop Romain Poite Ever Reffing A Rugby Game Again. Dit het begin met die wedstryd tussen die Springbokke en die All Blacks van 14 Sept. 2013. In die wedstryd het hy verkeerdelik 'n geel kaart uitgereik. In Saterdag se wedstryd het hy weer 'n geel kaart uitgedeel, die keer aan Adriaan Strauss omdat hy in 'n Ierse speler ingehardloop het wat net een been op die grond gehad het. Wat Strauss probeer doen het, was onduidelik. Was die Ierse speler in die lug gewees?

Die voorval sou in die eerste plek nie gebeur het as die Springbokke nie vir die tienduisendste keer die bal in die lug opgeskop het nie. Ek kon nog nooit die taktiek verstaan nie. Die bal word meestal aan die teenstanders oorhandig sonder om veel veld te wen. Hanteerfoute het verhoed dat die Springbokke drieë druk. Die agterlyn het aan die begin van die wedstryd veld gewen, maar daarna niks bereik nie, en die taktiek het nie verander nie. 'n Klomp plaasvervangers word opgebring wat nie noodwendig die deurlopendheid of samespel verbeter nie. Die linkervleuel was 'n paar keer uit posisie, wat Ierland uitgebuit het, en ten minste een drie veroorsaak het. Die wedstryd rekord van die afrigter Heyneke Meyer sedert 2012 was wisselvallig. 'n Afrigter moet kalm besluite kan neem, wat hy kennelik nie kan doen nie. Dit sal verbasend wees as die Springbokke enigsins 'n kans het om die opkomende wêreldbeker met die afrigter te wen.

Sport

Rugby internasionaal:

06:45 Japan - Maori All Blacks (DSTV 201)
14:00 Italië - Samoa
16:30 England - Nieu Seeland (DSTV 201 16:00)
16:30 Australië - Wallis (DSTV 202 16:20)
18:45 Fiji - Frankryk (DSTV 201 22:00)
19:30 Argentina - Skotland (DSTV 202 19:20)
19:30 Ierland - Suid Afrika (DSTV 201 18:30)

Vrydag 7 November 2014

Is SA die enigste land wat gratis behuising verskaf?

Die artikel Mr President, S. Africa is not the only country giving free housing to the poor soek hard na ander lande wat gratis behuising verskaf. Die regering se behuisings ontwikkeling is net 2.5% van die totale uitgawes. Dit wys (1) dat die ANC nie 'n benul het hoeveel geld op watter diens uitgegee word nie en (2) hoeveel biljoene rande vermors word op uitgawes wat die publiek nie sien nie. Behuising is eintlik een van die meer doeltreffende regerings uitgawes, omdat die huise op groot skaal gebou word. Dit was voorheen verhuur. Dit is ironies dat die regering dit wil verminder.

Wat mense nie verstaan nie, is dat iemand betaal vir die gratis dienste, en vir alle regerings uitgawes. Besighede het geen ander keuse as om hulle belasting aan te gee as hoër pryse op die goedere wat hulle verkoop nie - as hulle nie 'n wins maak nie, sal hulle nie bestaan nie. Mense wat vir studies betaal, moet vergoed word vir die inkomste belasting wat hulle betaal, anders sal mense nie gaan studeer nie. Werkgewers moet hulle dus hoër salarisse betaal, wat weereens die prys van die maatskappy se produkte verhoog. Die mense wie uiteindelik vir regerings uitgawes betaal is die ongeskoolde arbeiders wat in ooraanbod is. Hulle betaal daarvoor deur omtrent 30% meer te betaal vir alles wat hulle koop, en 'n gebrek aan werksgeleenthede weens belasting.

As daar geen belasting was nie, sou dit meer aantreklik gewees het vir mense wat werk om besighede te begin, of om ekstra werk te doen, wat tot ekonomiese groei sou bygedra het. As werkende persone alreeds naby die maksimum belasting koers is, betaal hulle 40% belasting op enige ekstra inkomste. Wie gaan dit doen?

In die ou dae het party bediendes 'n kamer by die werkgewer se huis gehad, 'n staatshuisie in 'n nie-blanke woonbuurt vir naweek gebruik, en 'n staatshuisie in 'n tuisland waar hulle oorspronklik vandaan kom, vir vakansies.

Sport

10:00 Krieket tweede T20: Australië - Suid Afrika (DSTV 202)

Suid Afrika kon net 101/7 haal in 20 boulbeurte, wat Australië in 12.4 beurte afgekolf het met 3 paaltjies weg. As 'n span so swak speel, is dit die geld werd om die spelers al die pad na Australië te vlieg? Dit lyk asof die span wat eerste kolf soveel druk voel om baie lopies te kry, dat hulle vir 'n lae telling uitgeboul word. Met die sukses wat die SA span in die eerste T20 wedstryd gehad deur tweede te kolf, kon hulle eerder in die tweede wedstryd dieselfde probeer het, na hulle die loot gewen het.

21:30 Rugby internasionaal: Kanada - Namibië (DSTV onbekend)

Richmenont (CFR) resultate

Vir die ses maande tot September 2014 is verkope op met 2% in Euros, en VPA is af met 24%. Die netto wins marge is nou 16.6% teenoor 22.1% 'n jaar gelede. Die prys/verdienste is nou PE=R97.21/~R4.73 =20.6. Die aandeel prys is sover vandag op met 5.7%. Die rede is onduidelik. Die rand het vandag verswak, en staan nou op R11.32 per dollar, wat al die rand verskansde aandele opstoot.

Regering se reaksie op moorde

Sedert 1994 is 400,000 mense vermoor. Na onlangse skietvoorvalle waarin bekende persone slagoffers was, was dit eienaardig dat die regering net oor wapen beheer gepraat het. Die 30 Oktober 2014 persverklaring (The Illegal Gun Ownership Campaign) op die ANC se webwerf toon twee denkwyses onder die regering: (1) onwettige gewere moet verwyder word en (2) gemeenskappe moet die moordenaars identifiseer. Volgens hulle word moorde deur gewere veroorsaak, nie mense nie. Die verantwoordelikheid vir misdaad bekamping word ook afgeskuif op gemeenskappe.

Vir hulle gaan moorde net oor onwettige wapens. Weer in die 6 November 2014 persverklaring: "Our calls for more stringent gun control are being given even more urgency on a daily basis". Hulle het dit moeiliker gemaak om 'n wapen lisensie te kry, en wil wapen eienaars wat nalatig is swaarder straf: "We also call on the judiciary to show no mercy for those in possession of illegal guns and those who are guilty of negligence."

Die rede vir die hoë moordsyfer is swak polisiëring, onder andere weens regstellende aksie, en die afskaffing van die doodstraf omdat die ANC as terroriste saam met moordenaars geskaar was, en daarom nie kamerade wil teregstel nie. Die ANC het dit 'n oortreding gemaak om inbrekers te skiet. Huis inbrake word nie meer ondersoek nie. Die ANC faal in die primêre funksie van regering, naamlik om wet en orde te handhaaf.

Donderdag 6 November 2014

Beste storie van die dag

Die mees buitengewone berig vir die dag is moontlik die 4400 rotte wat by 'n Indiese hospitaal uitgewis is - Bella Naija. Die vergifde spyskaart word gewissel omdat die ratte een kossoort vermy nadat 'n ander rot doodgegaan het daarvan. Indië is een van die beste voorbeelde van wat gebeur as bevolkingsgroei onbeperk voortgaan.

In Suid Afrika word al die dorpe en stede wat die blankes gestig het, vandag oorheers deur ander bevolkingsgroepe. Die beste illustrasie daarvan is wanneer 'n mens 'n museum op omtrent enige dorp besoek, en 'n nie-blanke werknemer van die museum wys jou hoe die blankes op die dorp lank gelede gelewe het.

Oceana (OCE) resultate

Vir die jaar tot September 2014 is inkomste op met 7%, en VPA op met 15.3%. Die netto wins marge is 11.3%. Die dividend opbrengs is 4.0% na belasting, op die huidige prys. Die prys/verdienste is nou 15.6.

Foschini (TFG) resultate

Vir die ses maande tot September 2014 is inkomste op met 10.2%, en VPA op met 3.4%. Die netto wins marge is 10.2%. Die dividend opbrengs is 3.9% na belasting, op die huidige prys. Die prys/verdienste is nou 13.3.

Mediclinic (MDC) resultate

Vir die ses maande tot September 2014 is inkomste op met 19%, en VPA op met 23%. Die dividend opbrengs is 0.86% na belasting, op die huidige prys. Die prys/verdienste is nou 24.

Afrimat (AFT) resultate

Vir die ses maande tot Augustus 2014 is inkomste op met 10.5%, die VPA op met 26%. Die jaarlikse inkomste groei vanaf 2008 was +75% +12.3% +13% +9.8% +16.6% +34% +42%. Die netto wins marge is 8.3%. Die dividend opbrengs is 2.1% na belasting, op die huidige prys. Die prys/verdienste is nou 13.6.

Redefine (RDF) resultate

Die huur uitkering vir die ses maande tot Augustus 2014 is 38.14c, wat die jaar se opbrengs 7.5% maak op 'n 996c eenheidsprys. Die maatskappy verwag groei van 7% tot 7.5% vir 2015.

Woensdag 5 November 2014

Sport

09:50 Krieket eerste T20: Australië - Suid Afrika (DSTV 202)

Meer belasting ingesamel

Die Suid Afrikaanse inkomste diens (SARS) het 10.6% meer belasting ingesamel in die 2013/4 belasting jaar. Die BTW invloei is op met 8.7%. Hoe meer belasting betaal word (relatief tot die grootte van die ekonomie), hoe laer gaan ekonomiese groei gewoonlik. Die groei in BTW behoort naastenby gelyk te wees aan inflasie + ekonomiese groei, dus was die totale belasting gevorder 'n effens groter persentasie van die ekonomie. Hierdie Reserwe Bank dokument gee die regering se finansieële statistiek vanaf 1994 tot 2012. Dit wys grafies hoe die begrotings tekort afgekom het onder TA Manuel, en vergroot het onder PJ Gordhan. Die regering se uitgawes was R122b in 1993/1994. Dit het gegroei met 11.9% per jaar na R1149b in 2013/14. Regerings inkomste was 21.9% van bruto binnelandse produk in 1993/1994, en 29.4% in 2013/14.

Dinsdag 4 November 2014

Supermarkte

Die onderstaande tabel wys watter uitwerking 'n verandering in die netto marge van supermark groepe kan hê op die toekomstige verdienste per aandeel groei. 'n Klein verbetering in die wins marge kan 'n groot verskil maak aan die aandeel prys. Die wins marge word uiteindelik beperk deur mededinging. As 'n mens lang termyn in 'n aandeel wil belê, is verkope groei die meer permanente maatstaf. Daarvolgens is die groei van die supermarkte tussen 7% en 12%, wat saam met die dividend 'n totale opbrengs 9% tot 14% gee. Hulle het grootliks hulle markte versadig, en dus verby die vinnige groei stadium.

Supermarkte
Maatskappy Prys/verkope prys/verdienste Verkope groei Laaste marge Historiese marge Geskatte VPA groei Dividend opbrengs
Pick n Pay 0.39 35.5 +7.2% (6m Aug) 0.8% 0.6% tot 2.0% -38% tot +100% 1.5%
Shoprite 0.832 22.8 +12.3% (3m Sep) 3.74% 3.4% tot 3.9% +7% tot +22% 1.87%
Spar 0.45 19.0 +7.7% (6m Mrt) 2.5% 2.4% tot 2.5% +7.7% 3.3%
Woolworths ~1.89 ~20 (rowwe
skatting) 		SA +10.2% (6m Jun)
DJ -1.2% (2013) 		SA 6.9%
DJ=5.5% (2013) 		SA 3.9% tot 7.1%
DJ 5.5% tot 8.6% 		SA +10%
DJ 0% tot +50% 		SA 2.7% voor
verdunning


Yster erts en olie prys

Volgens die grafiek van Custeel neig die yster fyn erts prys steeds laer. Fyn yster erts is 0.15m tot 6.3mm grootte korrels, en ystererts stukke of klonte is groter as 6.3mm. Klonte kan regstreeks in die hoogoonde gebruik word, en is daarom duurder. Die fyn erts stof moet eers gesinter (Wikipedia) word na groter stukke voordat dit in oonde gesmelt word om yster vorm.

Die Brent ru olie prys wil ook laer neig volgens die Nasdaq grafiek. OPEC sit met 81% van die wêreld se reserwes, maar verkoop 32% van die wêreld se olie. Met die bykomende olie van kraking, sal die prys seker eers ophou val wanneer die duurder produsente uit die mark gedruk is.

Dieselfde geld vir die oorproduksie van ystererts, platinum en goud. Anglo Gold se nuwe goud boor ontginnings metode is wonderlik op die kort termyn. Wanneer al die myne dit doen, sal hulle weer terug wees by wêreldwye oorproduksie, teen 'n laer goud prys.

Maandag 3 November 2014

Beste storie vir dag

Die beste berig vir die dag is dalk die boete van $350M wat Hyundai en Kai betaal volgens Autonews weens oordrewe brandstof verbruik aansprake. Die brandstof verbruik van baie motor vervaardigers is moeilik om te glo. Een versnelling om 'n voertuig verby te steek stoot die gemiddelde brandstof verbruik baie op.

Uitsluitlike winkel sentrum huur ooreenkomste

Massmart (Game, Builders Warehouse, Makro, DionWired, ens.) se teen-mededingings klagte teen Shoprite, Pick n Pay en Spar oor uitsluitlike huur ooreenkomste met winkel sentrums kan verdienste hê. Dit is opmerklik hoe winkels wat elders geleë is, dikwels nie gerieflike parkering bied nie, en die winkels is partykeer ook kleiner. Dit kan kopers afsit.

Daar kan ander redes wees waaom Game onmededingend is. Game se beperkte reeks kruideniersware is nie juis aantreklik nie. Dit is meer gerieflik om al jou kruideniersware by een winkel koop. Van die spesiale aanbiedings by Game is slegs beskikbaar in 'n klein hoeveelheid, en uitverkoop wanneer 'n mens daar kom. Wanneer 'n mens foutiewe video en klank toerusting na Game terugneem, wil hulle eers die fout sien voor hulle die geld terugbetaal. Ek het 'n Telefunken LCD TV teruggeneem wat partykeer nie op die afstand beheer wou reageer nie. In die winkel het dit gewerk. Ek moes dit eers by hulle los sodat hulle self die fout kon sien. Dit het my 'n ekstra 80km rit na die winkel gekos. Ek koop nie meer TVs by Game nie.

Pakistan se krieket span klop Australië met rekord getal lopies

Pakistan se krieket toets oorwinning oor Australië met 356 lopies is die grootste oorwinning in hul geskiedenis, en 17de op die ESPN krieket lys van grootste oorwinnings vir alle land. Pakistan het die reeks 2-0 gewen. Dit kan nie goed wees vir Australië se selfvertroue in die opkomende reeks teen Suid Afrika nie.

Krag onderbrekings

Eskom het beurtkrag verhoog omdat 'n steenkool kuiltoring neergestort het. Dit lyk of Suid Afrika se elektrisiteit voorsiening al minder betroubaar gaan word, wat normaal is vir 'n Afrika land. Omdat Eskom die enigste elektrisiteits verskaffer is, kan munisipaliteite nie veel doen. Dit lyk of elke huishouding uiteindelik sy eie krag generator sal moet hê as die kragonderbrekings meer gereeld, en vir langer tye aanhou.

Dit is baie irriterend om alles wat 'n mens doen te moet stop. As kragonderbrekings net 'n paar uur duur, kan die huishoudelike toerusting wat min krag gebruik, soos 'n TV en rekenaar, van 'n diep siklus ("deep cycle") battery af geloop word. Die tipe batterye kan gereeld gelaai en ontlaai word sonder om hulle lewe te verkort, anders as 'n kar battery wat meestal volgelaai bly. 'n Lood-suur battery wat 300 siklusse kan doen, sal een tot drie jaar hou afhangende van hoe dikwels dit ontlaai word. Weens die hoë koste van battery vervanging, wil 'n mens nie meer batterye aanhou as wat nodig is vir toerusting wat gebruik word gedurende 'n kragonderbreking nie.

Rekenaar ononderbroke kragbronne (OKB, "UPS = Uninterrupted Power Supply") werk net vir 'n kort tyd weens 'n 7Ah battery binne in. Die tydsduur kan verleng word deur drade uit te bring van die bestaande battery na 'n groter 12V battery buite die OKB (in newe geskakel). Dit moet slegs gedoen word deur mense wat iets van elektronika weet - daar is hoë spannings binne die kas wat deur die battery verskaf word, selfs al is die OKB uitgeprop. Die OKB moet afgeskakel word met die aan/af knop om die hoë spannings te vermy. Die drade na die eksterne battery moet redelik dik wees weens die groot stroom, soos 4mm². As 'n rekenaar 100W gebruik, sal 'n 50Ah battery tot 5 uur hou, maar nader aan 3 uur soos wat die battery ouer word.

'n TV en satelliet dekodeerder kan van 'n GS-WS (12V/24V gelykstroom na 230V wisselstroom) omsetter ("inverter") geloop word. 'n Rekenaar OKB kan ook gebruik word, as die looptyd verleng word met 'n eksterne battery. Die goedkoopste OKB kan 'n las van 600VA (volts x amps) of 360W (werklike drywing verkwis) hanteer. Dit is genoeg vir 'n LCD TV (25W tot 100W) en satelliet dekodeerder (nuwer modelle 8W). Vir minder tegniese mense wat nie hulle rekenaar OKB wil oopmaak nie, is 'n omsetter die beter keuse. Daar is twee tipes omsetters. Een tipe moet die gebruiker self verbind aan 'n battery wat deur 'n aparte battery laaier gelaai word. Die ander tipe laai self die battery, en skakel automaties na die battery oor as die krag afgaan (net soos 'n rekenaar OKB).

Die elektrisiteit van 'n petrol generator kos omtrent R7 tot R11 per kWh, vergeleke met omtrent R1.50 per kWh vir munisipale elektrisiteit. Op die oomblik is daar nie 'n goedkoop manier om die hele huis se elektrisiteit self op te wek nie. Die prys van son panele het afgekom na 'n vlak (R8 per Watt) waar dit binne 3 jaar afbetaal kan word deur die besparing op munisipale elektrisiteit, uitgesluit installasie kostes. Daarna kan dit gratis elektrisiteit verskaf vir nog 20 jaar.

Daar is egter twee praktiese probleme met sonpanele, naamlik die hoë koste van batterye om die krag te stoor vir die aand, en die groot stroom wat vir kort tye benodig word. Nog 'n moontlike probleem is munisipaliteite wat 'n minimum maandelikse diens fooi vir elektrisiteit vra, wat die koste besparing op son panele beperk.

As 'n 3kW geiser en 6kW stoof aan is, word amper 10,000W benodig. Die sonpanele wat nodig is vir gemiddelde gebruik is dalk net 1500W. Dus moet die 10,000W in batterye gestoor word, wat te duur is. Van die toestelle wat groot stroom trek, kan op ander maniere aangedryf word. Son water verhitting kan vir geisers gebruik word, maar die stelsels is duur. 'n Gas stoof kan gebruik word in plaas van 'n elektriese stoof. Die koste van gas vir verhitting is vergelykbaar met elektrisiteit.

Party toestelle benodig krag in die aand, soos 'n yskas, waarvoor batterye nodig is, wat duurder uitwerk as munisipale elektrisiteit. As sonpanele net bedags gebruik word wanneer die son skyn kan dit steeds die elektrisiteits rekening koste doeltreffend verminder. Dit sal beter werk in streke wat baie sonskyn het met min wolke.

Onverklaarbare aandeel prys bewegings

Daar is beleggers en spekulante wat die JSE indeks, soos die Satrix 40, koop sonder inagneming van die vooruitsigte van die onderliggende maatskappye. Pensioen fondse ontvang deurlopend nuwe geld wat belê moet word in 'n mark met min groot maatskappye. Ander mark deelnemers verkoop die aandele met swak vooruitsigte. Die resultaat van hierdie teenoorgestelde mark kragte kan 'n wyer gaping veroorsaak tussen die aandele met goeie en swak vooruitsigte, om gemiddeld die indeks beweging te lewer. Kleinhandelaars en banke kan onverklaarbare prys stygings ondervind. Myn aandele kan langer neem om te val as verwag, maar skielik meer val as die hele mark afkom. Fonds bestuurders bly positief oor maatskappye wat in die verlede hoë groei gehad het, maar wat al vir meer as 'n jaar opgehou groei het.

Saterdag 1 November 2014

Sport

06:45 rugby 1ste toets, Japan - Maori All Blacks (DSTV 201)
10:30 rugby Buildcorp NRC finaal, Brisbane City - Perth Spirit (DSTV 201)
16:25 rugby Australië - Barbarians (DSTV 201)
22:00 rugby Nieu Seeland - VSA (DSTV 201)

Ouer webjoernaal

Regstellings na: slandrp@gmail.com
Hierdie webwerf is: www.slrp.co.za/webjoernaal
Ontkenning: Geen verantwoording word vir verkeerde inligting aanvaar nie.
Kopiereg @2014