Goud as belegging



8 Julie 2017

A Tale Of Two Gold Markets - Zero Hedge. Goud lyk baie aantreklik oor die lang termyn, weens geld skepping, en enorme skuld wat later in geld skepping verander. Die dollar prys van goud mag sywaarts gaan, maar in ander geld eenhede gaan dit op. Goud prys in Rand van Infomine – dit is 15.6% per jaar. Rand goudprys van BigCharts:




April 2017

Onderstaande grafiek wys die goud prys in $ per ons, teenoor VSA inflasie en myn koste per ons. Myn koste was bereken as maatskappy inkomste minus wins (verstel voor afskrywings), gedeel deur onse goud geproduseer, en verminder vir koper inkomste in die geval van Barrick Gold en Newmont Mining.

Die inflasie kurwe hang af van waar 'n mens begin. Sedert 1971 het die goud prys baie meer as inflasie gestyg. 'n Mens verwag dat goud meer as inflasie styg omdat dit al skaarser word, en al meer kos om die oorblywende goud uit die grond te haal.

Wat die grafiek toon is dat goud maatskappye hulle kostes sny wanneer die goud prys daal, en meer spandeer wanneer die goud prys styg. Die koste per ons word opgetrek deur 'n stygende goud prys. Dit is met die aanname dat die skerp styging in die goud prys na 2001 nie veroorsaak was deur myn koste wat skielik opgeskiet het nie. Maatskappye het steeds bates afgeskryf teen 'n hoë goud prys, wat 'n mens laat wonder of goud nou moeiliker ontgin word.

Die val in die goudprys stem ooreen met die val in die Rand in 2001 en 2002 (BusinessTech). Na die Rand se herstel het, het die Rand weer verswak van 2005 tot 2009. Hierdie keer het die goud prys aangehou opgaan, dalk weens spekulatiewe momentum. Met die Rand verswakking van 2011 tot 2016 het die goudprys weer geval.

Die wisselvalligheid van die goud prys maak dit moeilik om die toekoms te voorspel. Gegewe die groot styging sedert 2001, kan die prys verder daal, of sywaarts gaan voor dit weer styg. Die aanbod en aanvraag tot 2015: The Great Physical Gold Supply & Demand Illusion. Van die 4304 ton aanvraag in 2016, het 12.3% na beurs verhandelde fondse gegaan, en was 25.3% as stawe en munte verkoop (Gold Demand Trends Full Year 2016). Van die 165,000 ton goud wat al deur die geskiedenis gemyn was, was 2100 ton deur beursverhandelde fondse gehou in 2011, en 28,400 ton deur sentrale banke gehou in 2010 (Numbersleuth).



Vorige web blad.


Terugvoering na: slandrp@gmail.com

Hierdie webwerf is: www.slrp.co.za/goud
Ontkenning: Geen verantwoording word vir verkeerde inligting aanvaar nie, of verliese gelei as gevolg van webblad nie.
Kopiereg @2013-2017