Nadat spekulante in Beurs Verhandelde Fondse (ETF - "Exchange Traded Funds") die goud prys opgejaag het bokant $1600, en hulle verkope die goud prys weer laat terug val het na $1200, bied dit moontlik 'n beleggings geleentheid vir die lang termyn, omdat dit naby die produksie koste van myne is. Sien onderstaande grafiek van die fisiese goud fonds GLD (VSA mark).
Neem byvoorbeeld die grootste myner Barrick Gold (kode ABX op NYSE - New York Stock Exchange). Hulle netto VPA (Verdienste Per Aandeel - "Earnings per Share" - EPS) was $0.17 in die laaste kwartaal. Hulle aangepaste VPA was $0.58. As 'n mens dit vergelyk met die inkomste per aandeel ("revenue per share") van $2.98 gee dit 'n netto wins marge van 20%. Dit is 'n lae wins vir een van die mees winsgewende myners. Baie goud myners maak 'n verlies teen die huidige groud prys.
Die goud prys behoort ten minste teen inflasie op te gaan elke jaar. In beginsel kan 'n mens geld maak uit inflasie deur 'n Ultra Gold ETF te koop (kode ULGD), wat teen drie keer die verandering in die goud prys opgaan en afgaan. As produksie koste inflasie sê 10% is, en goud gaan wel op met inflasie, is die opbrengs 30%. As die goud prys val word, is die verliese ook drie keer groter, maar enige verdere val in die goud prys word beperk deur myn produksie koste. Die goud myne probeer wel om hulle kostes te sny, maar goud word al skaarser, wat die kostes gewoonlik teen meer as inflasie opstoot.
Goud (GLD) grafiek van http://bigcharts.marketwatch.com:
In die geskiedenis was die goud prys geweldig wisselvallig, wat dit onaantreklik maak as belegging - sien onderstaande grafiek. Die grafiek toon nie die invloed van inflasie nie. Sê arguments-onthalwe die myn koste verdubbel elke 10 jaar, dan is die huidige goud prys van $1220 ekwivalent aan $610 in 2003, $305 in 1993, ens.
In 2001 het die prys 'n dip van $257 gemaak. In daardie jaar was Barrick se totale produksie koste $247 per ons. In die afgelope derde kwartaal van 2013 was hulle totale produksie koste $785 per ons, terwyl goud nou verhandel teen $1220 (Nov 2013). Die totale produksie koste het opgegaan met 10% per jaar. Die "all-in sustaining cash costs per ounce" was $945 in 2012.
Die gevolgtrekking is dat goud nog verder kan val op die kort termyn om 'n breë bodem te vorm, maar sal op die langtermyn opgaan weens kostes.
Goud prys vanaf 1980, van http://stockcharts.com/freecharts/historical/djiagold1980.html:
